PUBLIC NOTICE

Mizoram Sawrkar chuan Office Memoramdum (OM) No.A.12034/1/2015-P&AR(GSW) dt.10/7/2019 hmangin Mizoram Sawrkar hnuaia Group 'A', 'B' leh 'C' hna thawk turte'n computer thiamna (computer proficiency) an neih tur thu a tarlang a. Computer zirna private institution zingah Sawrkar OM zawm loa ni 1/11/2013 hnua anmahni institution hminga certificate pe chhuak an la awm a, heng hi pawm theih a ni lo a, Mizoram State Council for Technical Education (MSCTE) hnuaia in registered leh MSCTE-in computer proficiency certificate a pek te chauh pawm theih a ni. Chuvangin hna dil turte'n harsatna an tawh lohna'n an computer proficiency certificate neih chu Sawrkar OM-in a pawm ngei a ni em tih inenfiah tur leh pawm zinga mi a nih loh chuan OM-in a pawm course zir leh turin hna dil turte a hriattir a ni.

Tin, Mizoram Sawrkar hnuaia hna dilna atana computer zir turte chuan Sawrkar OM-in a pawm certificate pe chhuak thei institution chauha zir turin a chah bawk a ni.